Pertsona Migratuendako Informazio Gunea (MIG)
Pertsona eta kolektibo sozial talde bat gara, eta pertsona migratuak eta errefuxiatuak babesten eta defendatzen ditugu beren eskubideen aldeko borrokan. Pertsona guztien zirkulazio askearen alde lan egiten dugu, gizaki guztiak berdinak garelako, eskubide eta betebehar berberak ditugulako eta aukera berdinak izan behar ditugulako.
PIM – MIG bultzatzeko beharra hurrengo zailtasunak egiaztatzetik sortzen da: dokumentuak izapidetzeko nora jo jakitea, baliabide publikoak eta elkarteenak ezagutzea eta eskatzea (migratuentzat espezifikoak izan ala ez); izan ere, burokrazia konplexua da eta eskumenak sakabanatuta daude.
Helburuak
INFORMAZIOA BILTZEA: gune bat sortzea, gai honetan lan egiten dugun erakunde publiko eta elkarte eta erakundeen informazioa jasotzeko, bai eta pertsona migratuei (berariazkoak izan ala ez) hainbat arlotan eskaintzen zaizkien baliabideei buruzko informazioa jasotzeko: asiloa, enplegua, etxebizitza, aisia, lege-arloa.
AURREZ AURRE ETA BI NORABIDEKO SAREAN INFORMATZEA:
Pertsona migratuei baliabideei buruzko informazioa ematea (ostatua, janaria, asiloa, prestakuntza, laguntza medikoa edo juridikoa, aisia), bai instituzionalak, bai autogestionatuak, bai GGKE eta kolektiboenak; beste eragile batzuek eskainitako zerbitzuak berbideratzen dira.
Jarduerak, lana, boluntarioak, erroldatzeak eta abar eskaini nahi dituzten pertsonei ere informazioa eskaintzea da helburu.
GIZA HARRERAKO GUNEA, helburua da pertsonak benetan hartuak sentitzea eta noraezean ez bidaltzea.
KOORDINATZEA:
ELKARTEEN ARTEKO SAREA EHUNTZEA
BOLUNTARIOEN LANA BIDERATZEA: lankidetzan aritu nahi duten boluntarioek parte hartzeko espazio bat sortzea (interesa bideratzea), dela borondatezko zerbitzuak eskainiz: hizkuntzak, baliabideei laguntzea, itzulpenak, etxebizitzak, erroldatzeak, lana, enplegua, etab., edo MIGen bertan, GGKEetan edo erreibindikazio- edo sentsibilizazio-ekintzetan parte hartzeko.
Baliabide publiko eta pribatuak koordinatzen saiatzea.
PRESIO POLITIKORAKO GUNEA: ezagutzatik abiatuta administrazioei erreklamazioak egiteko eta erakundeen eta pertsonen artean indarrak batzeko. Beti kontuan hartzen da Administrazioak eman beharko lituzkeela beharrezko zerbitzu guztiak.
Administrazioei informazio gune publikoa eskatzea.
Aterpetxeak eta etxebizitza eskatzea.
Epe ertainera, arazo bera duten pertsonak elkartzeko eta parte hartzeko espazioak ahalbidetzea.
Orri honen edukia informatzeko baino ez da. Akatsen bat edo gabeziaren bat aurkitzen baduzu esaguzu, mesedez.en la información.